Leioa
Bilaketak
Osteguna, 2022ko Irailaren 29a
Hemen zaude: Hasiera » Bizi hiria » Kakarik eta txizik gabeko kaleak eta lorategiak izateko

Kakarik eta txizik gabeko kaleak eta lorategiak izateko

Irtenbidea zure eskuetan dago

Mila esker nire kaka jasotzearren

Entzun zure txakurrari eta jaso haren gorotzak

Keinu sinple horren bitartez, lan garrantzitsua egingo duzu Leioako kale eta lorategiak garbi eta egoera osasungarrian mantentzeko. Zure txakurrak ezin ditu bere kabuz kendu.

Arazoak herritar guztiei eragiten die, gune horietako batzuk osasungaitz bihurtzen baitira, jasotzen ez den kaka-kopuru handia dela eta.

Gehienek beren maskoten eginkariak jasotzen badituzte ere, pertsona batzuek, oraindik, ez dituzte bere txakurren gorotzak kentzen lorategi eta kaleetatik.

Kalean txiza egiten duenean, garbitu haren gernuak

Animalien gernua arazoa da, osasungarritasunaren eta bizikidetzaren aldetik.

Zure maskotak hiri-altzarietan edo eraikinen fatxadetan txiza egin dezan eragozten saiatu, eta, egiten badu, diluitu txiza ur eta ozpinaren nahaste batez. Horrela, kiratsa eta korrosioa prebenituko dituzu.

Irtenbidea zure eskuetan dago

batzen ez duenak ordaindu egiten du

Gogoratu ekintza horiek Animalien Jabetzaren Ordenantza Arautzailean tipifikatuta daudela. Ordenantza horretan zenbait zigor jasota daude, tipologiaren araberako zenbatekoekin.

Kaleak eta lorategiak kakaz eta txizaz garbi mantenduta, usain txarrak, zikinkeria eta beste osasun- eta bizikidetza-arazo batzuk saihestuko ditugu.

Zure maskotarekin paseoan irteten bazara, gogoratu:

Eraman ura eta ozpina botila batean, txiza garbitzeko, eta gorotzak batzeko poltsak.

Txakur askeentzako aisialdi-eremuak

Hiri atseginagoa edukitzeko, eta oinezkoak eta animaliak elkarrekiko begirunez egon daitezen, Leioak txakurrentzako 16 aisialdi-eremu espezifiko ditu. Haien azalera 80.000 m2-koa da guztira.

Maskotek aske goza dezakete eremu horiez, beren jabeen kontrolpean eta begiradapean, betiere. Gogoratu aisialdi-eremu horietan ere gorotzak jaso behar direla.

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa