Bisita gidatuak
Artatzako Jauregia.
Leioako Udalak Artatza jauregiko ateak oso modu berezian irekiko ditu. Jauregian sartzerakoan denboran zehar bidaiatuko dugu, zehazki 20ko hamarkadara, eta bertan ikusi ahal izango dugu Jauregiko bizilagunen bizimodua, film baten barruan bageunde bezala.
Chavarri familiaren garaian antzeztutako eta testuinguruan kokatutako bisita hauekin, Leioako Udalak jauregiko ateak zabaltzen jarraitu nahi die leioaztarrei eta, aldi berean, eraikinaren historia eta jatorria gogoratu.
Gogoratu behar da ez dela ohiko bisita izango, bisitek ez dute gidarik izango, baizik eta jauregiko "biztanleek" beraiek kontatuko dizkigute Eskuinaldeko eraikin erakargarrienetako baten sekretuak eta xehetasunak.
Gutxi gorabehera ordubete iraungo duten doako bisitaldi hauetan, Jauregiko zenbait gela ezagutuko ditugu, garai batean ziren bezala: Hall, kapera, logela pribatuak, sukaldeak, jantokiak, egonlekua, haurren gunea, aretoak, kanpoko lorategiak eta pergolak.
HAPO Leioa
