2017-03-07
Martxoaren 8a ospatzeko elkarretaratzea eta murala egingo dira bihar
Leioako Udalak, urtero legez, bihar 13:00etan Bulebarrean egingo den elkarretaratzean parte hartzeko gonbitea luzatzen du, Emakumeen Nazioarteko Eguna ospatzeko.
Aurten, gainera, Arte Ederretako Pintura Masterraren ikasle bik, Liesbeth Montoyak eta Elisa Pintok, mural bat margoztuko dute goizean zehar Bulebarrean bertan.
Baina hauek ez dira Berdintasun sailak antolatu dituen ekintza bakarrak, hilabete osoan zehar hainbat aukera ezberdinetaz gozatzeko aukera izango dugu, ‘Femenino Plural’ ahozko narrazioa, antzerkia, dantza edota ikastetxeetan indarkeria matxista prebenitzeko izango diren tailerrak.
Honetaz gain, gogoratu, hilaren 31ra arte Kultur Leioako liburutegian eskuragai dagoela Berdintasun sailak egindako liburu, filme eta komikien aukeraketa. Hemen atxikituta.
Partekatu:
Itzuli