2018-03-06
Leioa Mendi Taldeak Climbing Girl Party-ren zazpigarren edizioa antolatu du
Adin guztietako emakumeei zuzendutakoa
Leioa Mendi Taldea kirol elkarteak martxoaren 8ko programazioan bere ekarpena egiten zazpi urte darama. Beti bezala, ostegunean, Climbing Girl Party-ren edizio berri bat antolatuko du. Emakumeei zuzendutako ekintza berezia da, eskalatzea ere emakumeen kirola dela frogatzeko eta neska gazteengan erreferenteak sortzeko, ohitura osasungarriak sustatuz.
Beraz, ostegunean, 17:00etatik 20:30era, Sakoneta kiroldegiko rokodromoan, hiru maila ezberdineko frogak izango dira. Parte hartzaile bakoitzak erabakiko du ze mailatan parte hartu bere trebetasunaren arabera. Froga errazak izango dira, arratsalde atsegina pasatzeko asmoarekin pentsatutakoak. Gainera, parte hartzaileen artean oparien zozketak ere egongo dira.