2017-11-07
Eskuinaldeko enpresetan lanekoak ez diren praktikak egin nahi dituzu?
Leioa, Barrika, Berango, Gorliz, Lemoiz, Plentzia, Sopela eta Urdulizko udalerriek, Bizkaiko Foru Aldundiarekin batera, Gaztedi Uribe Kosta izeneko lankidetza hitzarmena izenpetu dugu, besteak beste, Uribe Kostako udalerrietako gazteen artean besteren konturako enplegua sustatzea helburuarekin.
Horretarako, lanekoak ez diren praktikak burutu ahal izateko 4 hilabeteko iraupena duten 10 beka eskainiko dira aipatutakoa udalerrietako gazteek lan arloan esperientzia lortu dezaten, gerora horien merkaturatzea errazteko helburuarekin.
Hartzaileen profilari dagokionez, 18 eta 25 urte bitarteko gazteak izan behar dira, arestian aipatutako udalerrietako batean erroldatuta egotea, eta Lanbiden lan eskatzaile gisa agertzea. Lan profilari dagokionez, Lanbide Heziketako (Erdi edo Goi mailako) tituluduna edo unibertsitate tituluduna izatea. Azkenik, jasotako prestakuntzarekin erlazio zuzena duen hiru hilabetetik gorako lan esperientziarik ezin du eduki.
Programa honetan parte hartzeko asmoa izanez gero, eta informazio zehatzagoa jaso nahi izatekotan:
BEHARGINTZA LEIOA
Mendibil kalea, 3. 48940 Leioa (Bizkaia)
behargintza@leioa.net // Tel.: 94 400 41 95
ATERPE LEIOA GAZTEGUNEA
Aldapabarrena, 2 48940 Leioa (Bizkaia)
gazte@leioa.net // 94 405 58 50
Erlazionatutako dokumentuak:
Liburuxka (pdf, 118 kb)
Partekatu:
Itzuli