2017-08-28
Artisautza ikastaroen 13 modalitate ezberdin eskaintzen ditu Kultur Leioak hurrengo ikasturterako
Leioaztarrentzat aurreinskripzioa egiteko epea gaur bertan zabaltzen da
Guztira 13 artisautza modalitate ezberdin eskainiko ditu Kultura sailak hurrengo ikasturteko tailerretan, gehienak ordutegi desberdinekin pertsona gehiagori heltzeko asmoz.
Ikasturte honetarako programatutako ikastaroak hauek dira: zur-lanketa, zeramika, pintura eta marrazketa, eskulanak, gozogintza kreatiboa, altzarien zaharberritzea, ehoziri-lanak, puntua eta kakorratz-lana, kontaketa laburra, jantzigintza, argazkigintza digitala, eskulanak Pinuetan eta mugimendua eta erlaxazioa musikaren bitartez. Ikastaroen ordutegiak eta prezioak honi erantsitako informazio-liburuxkan kontsultatu daitezke.
Aurretiko izen-ematea Kultur Leioan (Jose Ramon Aketxe plaza 11, 4. solairua) eta Gaztelubide bulegoan (Maiatzaren bata kalea, 1) egin beharko da. Tailerretako plaza kopurua mugatuta dago; beraz, plaza kopurua baino aurreinskripzio gehiago badago, zozketa publikoa egingo da. Hortaz, aurretiko izen-ematearen ordenak ez du plazarik ziurtatzen.
Ikastaroak urriaren 2ko astean hasiko dira eta ekainaren 18an bukatuko dira.
Partekatu:
Itzuli