2017-05-22
Betiko ikastola izan da eraso sexisten aurkako II. kartel lehiaketaren irabazlea
Betiko Ikastola jaietako sexu-eraso eta eraso sexisten aurkako II. kartel lehiaketaren irabazlea suertatu da. Bestalde, Leioako Berdintasun Sailak antolatutako lehiaketa honetan, Artaza Romo BHI ikastetxeak aipamen berezia lortu du.
‘Jaia gurea gauean ere bai: Leioa tratu onen alde eta eraso sexisten aurka’ leloa duen kanpaina honen helburua emakumeen aurkako sexu-erasoen aurkako jarrera agertzea da, eta bide batez hiritarrak gaiaren inguruan sentsibilizatzea. Indarkeria mota honekiko tolerantzia maila gutxituz, jaietako testuinguruan ere bai.
Leioako Udalaren Berdintasun sailak kanpaina honetan ikastetxeek izandako erantzun ona eta inplikazioa eskertzen du.