2017-04-26
Leioako Udalak astelehenean adingabeko batek jasandako eraso sexuala salatzen du
Elkarretaratzea bihar, 18:00etan, Leioako Bulebarrean
Leioako Udalak, astelehen arratsaldean, Ondizko ermitaren inguruan, Leioako adingabeko batek jasandako eraso sexuala erabat gaitzesten du. Horrela, biktimari, familiari eta lagunei, elkartasuna adierazten die Udalak, eta Genero Indarkeriaren biktimei eskaintzen zaizkien udal zerbitzuak eskaintzen dizkie.
Udalak emakumeen askatasun sexualaren kontrako eraso guztiak salatzen ditu baina, bereziki, adingabekoen kontrakoak, kasu honetan bezala. Horregatik, Udalak biktima eta bere intimitate-eskubidea errespetatzea eskatzen du.
Salaketa publikoa indartzeko Udalak elkarretaratzea deitu du biharko, apirilak 27an arratsaldeko 18:00etan, Leioako Bulebarrean.