2017-01-27
Leioako Udalak itsasadarrera hurbiltzeko lehen pausuak eman ditu
Leioako Udalak Bilboko Portuko Agintaritzari udalerritik pasatzen diren, eta beran esku dauden, errepideen doako lagapena eskatu dio. Errepide horiek honakoak dira: Autonomia kalea -Areeta eta Bilbo arteko errepide bezala ezagutzen dena-, eta Felipe del Rio kalea -Lamiakoko dartsenaren eremua inguratzen duena-.
Lagapen hau eskuratzen duenean Udalaren asmoa da zonalde horretako trafikoa berrantolatzea eta itsasadar ertzeko eremu horretan leioaztarrentzat bideratutako etengabeko berreskurapen bat hastea, beti ere txirrindulariei eta oinezkoei lehentasuna emanez.