2017-01-26
Kultur Maratila bueltan da euskaraz sortutako proposamen artistiko berriak aurkezteko
Otsailaren 1etik 5era izango da Kultur Leioan
Seigarren urtez jarraian, Leioako Udalak, Artedramaren laguntzalekin, Kultur Maratila zikloa antolatzen du. Bost eguneko iraupena izango du, otsailaren 1tik 5era, eta bertan sei ikuskizun eskeiniko dira: bi antzerki ikuskizun, hiru musika kontzertu (horietariko bat erakusketa baten aurkezpenarekin batera) eta dantza ikuskizun bat.
Honen aurrekontua 30.000 eurotakoa izan da, Leioako Udalaren apostu esanguratsua isladatuz, beti ere euskal sorkuntza bultzatu nahian eta honek ere islada izan dezan Leioako herri eta herritarrengan, euskeraren erabileraren aldeko urratsak emanez.
Ekitaldi guztiak Kultur Leioako Auditorium eta Erakusketa Gelan izango dira. Hauen salneurriak 3 eta 10 euro tartean ezarri dira eta ikuskizun bat doan izango da. Ziklo osoa ikusi nahi duenak 30 eurotako bonoa erosteko aukera izango du (Kultur Leioako txarteldegian), Kultur Maratila Kit bat opari duelarik.
Kultur Maratila ziklo honi jarraipena eman nahian, leku ezinhobea da euskera eta kulturaren inguruan publikoa, hedabideak, profesionalak etab. elkartzeko eta bertan partehartzeko. Kultur Maratila honekiko apostuak zerbait berezia sortzeko helburua du, programazio ausart batekin eta disziplina anitzetatik datozen ikuskizunak programatuz, beti ere euskera eta euskal sorkuntza irizpide dituelarik.
Gaur aurkeztu da prentsaurrekoan programazio hau. Bertan, Leioako Alkatea den Mari Carmen Urbieta izan da, eta berarekin batera Artedramako zuzendari artistikoa, Ander Lipus; eta Fredi Paia eta Iñaki Ziarrusta, ATX konpainiaren eskutik.