2016-11-09
Udalak leioaztar guztiak gonbidatzen ditu memoriaren eguna ospatzera
Bihar, Memoriaren Egunean, Udalak lore-eskaintza egingo du 12:00etan, Nestor Basterretxearen 'Leioako indarra' eskulturan, Elexalde parkean. Ekitaldi honetan parte hartzera leioaztar guztiak daude gonbidatuta.
Memoriarekiko hitzordu honek elkarrizketa plurala sustatu nahi du, baita sekula errepikatu beharko ez den iraganeko hari buruzko gogoeta kritikoa ere. Hartara, elkarbizitza ezartzeko borondate eraikitzailea partekatuko da, Euskadiren orainerako eta etorkizunerako, oinarri harturik ideia-aniztasuna, oinarri demokratikoak eta giza eskubideen defentsa.