2016-10-17
Leioan jokatuko da Bizkaiko Bertsolari Txapelketaren laugarren kanporaketa
Urriaren 29an Bizkaiko Bertsolari Txapelketaren laugarren kanporaketa hartuko du Kultur Leioako Auditoriumak, arratsaldeko 17:30ean. Sarrerak salgai daude jada.
Laugarren kanporaketa jokatuko duten bertsolariak honakoak dira: Ander Elortegi Garatea, Ibon Ajuriagojeaskoa Garmendia, Joseba Artza Zubillaga, Joseba Barandiaran Andueza, Mikel Goiriena Larrazabal eta Txaber Altube Sarrionaindia. Gai-jartzailea, berriz, Idoia Anzorandia Kareaga izango da.
Gogoratu kanporaketa honetarako sarrerak salgai daudela www.bertsosarrerak.eus webgunean urriaren 26ra arte. Gainontzeko sarrerak Kultur Leioako leihatilan erosi ahal izango dira urriaren 29an bertan, 16:30etik aurrera.