2015-06-19
Larunbatean, Leioa Urban Eguna izango da, Leioako kultura urbanoaren topagunea
Skate, graffiti, breakdance, hip-hop, dj eta gehiago. Kultura urbanoak hitzordua dauka larunbatean Leioa Urban Egunaren edizio berriarekin. Aterpe Leioa Gazteguneak dakarkigu ekitaldi hau, edozeinentzako sarrera librearekin, ekainaren 20an, 18:00etatik aurrera, Aldapa Entzunaretoan. Endika Lahainek egingo ditu aurkezle lanak.
Gazteenek kultura urbanoarekin lotutako jarduerak ikasteko aukera izango dute Slackline & Zirko eta Graffiti & Customization tailerren bitartez. Beranduago, 18:00etan, Leioako Breakdance txapelketarekin gozatzeko aukera izango dugu, Rasy Simonerekin.
Eta horren ostean, jaiarekin bukatzeko, Reggae & Hip Hop-eko kontzertua edo Sound System Party-a, Thunder Clap, NHC, Novato, Salda Dago eta Charles Cooper Chop-en eskutik.
Euririk botako balu, Txomin Arestiko patioan egingo litzateke guztia.
Erlazionatutako dokumentuak:
Kartela (pdf, 197 kb)
Partekatu:
Itzuli