2015-05-15
Euskal Herriko 17 talde izango dira Umore Azokan, eta 12 estreinaldi eskainiko dituzte
Umore Azokan maiatzaren 21etik 24ra izango den euskal ordezkaritza aurkeztu dute gaur prentsaurreokan antolatzaileek. Ana Lopez jaialdiko zuzendaria, Joxean Muñoz Eusko Jaurlaritzako Kultura, Kirol eta Gaztedia kontseilari ordea eta Cielo Raso, Hortzmuga, Gaitzerdi eta Dantzaz. euskal konpainietako ordezkariak izan dira bertan.
Guztira, 17 izango dira aurten jaialdian izango diren Euskal Herriko taldeak, iaz baino 4 gehiago, eta 12 estreinaldi eskainiko dituzte orotara. Antolatzaileak oso pozik azaldu dira bertako taldeen erantzunarekin, eta haien eskaintzaren kalitatea eta aniztasuna nabarmendu dituzte. Cielo Raso konpainiak dantza ikuskizuna eskaini du ekitaldian.