2015-01-22
Sukaldaritza tailerra izango da bihar Barikuetan jai programazioaren barruan
‘Barikuetan jai’ programaren edizio berri bat izango da bihar, 17:30ean Barandiaran institutuko patioan, eta oraingoan sukaldaritza tailer bereziaren ikasle bihurtuko dira Leioako gaztetxoak.
Euskara Zerbitzuak martxan jarritako programa honen helburua da haurrek eta familek euskara erabiltzea herriko plazetan eta kaleetan, eta horretarako ikasturte osoan zehar, jarduera bereziak egiten dira euskarazko harreman sareak zabaltzeko eta euskara erabiltzeko guneak eta aukerak sortzeko.