2014-12-17
Gogoratu ostegunean afari solidarioa egingo dela Mendibile Jauregian
Afaria eta kolaborazioa 50 eurokoa izango da
Sortarazi GKErako diru gehiago batzeko asmoz, datorren ostegunean abenduaren 18an, 20:30ean, afari solidarioa egingo da Mendibile Jauregian. Bertan, sei euskal diseinatzailek sortutako hiru Arlote eta hiru Mari Pepa bakar eta errepikaezin aurkeztuko dira, eta gau horretan jarriko dira salgai.
Edozeini luzatzen diogu solidaritatez beteriko gau horretan parte hartzeko gonbita, udalerriko ondare den leku eder eta enblematikoan.
Afaria eta dohaintzaren prezioa 50 eurokoa da. Informazio gehiagorako edo lekua erreserbatzeko, deitu edo idatzi Behargintzara: 944 004 195 / behargintza@leioa.net.