Umore Azoka
Bilaketak
Igandea, 2022ko Maiatzaren 22a
Hemen zaude: Hasiera » Zure Udala » Albisteak

Albisteak RSS

2013-04-26 Torresolo Babes Ofizialeko Etxebizitzetan izena emateko azken eguna asteartean izango da Gogoratu asteartean amaitzen dela Torresolon eraikitzen ari diren jabegoko Babes Ofizialeko 58 etxebizitzen lehen promoziorako izena emateko epea.
Obras de Torresolo / Torresoloko lanak

Lehenik eta behin, etxebizitzok azken sei urteotan gutxienez hiru urtez Leioan erroldatuta egon diren herritarrei zuzenduta daude.

Aurreko kolektiboari etxebizitza guztiak esleitzen ez bazaizkio, gainerakoak Leioan lan egitearen irizpidepean eskainiko dira (hiru urtez azken sei urteotan). Eta azkenik, aurreko bi kolektiboei etxebizitza guztiak esleitzen ez bazaizkie, gainerakoak edozeini eskainiko zaizkio, Leioako errolda baldintzak edo Leioarekin lan-lotura baldintzak bete ez arren. Hala ere, aurreko bi kolektiboek bezala, Eusko Jaurlaritzak Etxebizitza Babestua erosteko bere araudian ezartzen dituen baldintzak bete beharrekoak dira, edozein kasutan.??

Etxebizitzen zozketan izena emateko, Etxebiden inskribatuta egon ez arren, interesatuak dokumentazioa aurkez dezakete Leioako Udalaren Erregistro Orokorrean (Elexalde 1), astelehenetik ostiralera, 9:00 - 14:00. Kultur Leioan ere entrega ditzakete agiriak, lehen solairuan, astelehenetik ostiralera, 15:00 - 21:00, edo larunbatetan, 11:00 - 14:00. ?

Torresoloko lehen promozio hau pribatua da, Udalak eta Sukia enpresak 2013ko martxoaren 8an sinatutako hitzarmen baten ondorioz sortutakoa. Honetan, 58 etxebizitzen eta dagozkien garaje eta trastelekuen eraikitze-eskubideak hartzen dituen Sukiak eta Udalak eskatzaileak batzeko Udal Erregistroa sortzen zuen.
?
Promozioari, inskripziorako baldintzei eta aurkeztu beharreko dokumentazioari buruzko informazio guztia horretarako beren-beregi sortu den web orrian kontsulta daiteke, 94.416.27.44 telefonoan edo Kultur Leioako lehen solairuan (astelehenetik ostiralera, arratsaldez, eta larunbatetan, goizez).

??Etxebizitzak notario aurreko zozketa publiko bitartez esleituko dira. Zozketaren data aurretiaz jakinaraziko da udal komunikabideetatik eta inskribatuei idatziz egingo zaie deialdia

Informazio gehiago:

Torresolo

Partekatu:

Itzuli

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa