2024-06-13
Leioako Musika Udal Eskolak ikasgelak kalera eramango ditu musikaleraren edizio berri batean
Ostiralean, ekainaren 14an, 18:30etik aurrera, ikasleak kalera aterako dira instrumentuekin eta ikasturtean zehar egindako lana leioaztar guztiei erakutsiko diete.
Musika Leioara itzuliko da, Musika Udal Eskolako ikasleei esker. Ostiralean, ekainak 14, ikasleak euren instrumentuekin aterako dira kalera eta ikasturtean zehar egindako lana leioaztar guztiei erakutsiko diete, MUSIKALERAren edizio berri batean.
Hala, ikasgelak kaleetara eramango dira, eta 18:30etik aurrera, saxoen, tronpen, pianoen, gitarren eta abarren musika aire zabalean entzungo da herriko hainbat tokitan: Jose Ramon Aketxe plaza, Estartetxe 5, Aldapa, Sabino Arana 54 eta Udondoko Boulevard.