Hemen zaude: Hasiera » Zure Udala » Albisteak
Albisteak 
2023-02-15
Udala kaleko bost komun publikoak instalatzen hasi da
Lamiakoko geltokiko plazan, Pinosolo parkean, Bordeoena parkean, Zarragabarrena parkean eta Udondoko bulebarrean kokatuko dira.
.jpeg "Pinosolo / Pinosolo: 3256_komunak_Pinosolo_(2).jpeg")
Leioak bost komun publiko autogarbigarri berri izango ditu laster. Udala Lamiakoko geltokiko plazan, Pinosolo parkean, Bordeoeneko parkean, Zarragabarrena parkean eta Udondoko bulebarrean kokatuko diren ekipamendu berrien instalazioarekin hasi da. Azken hiru hauek, gainera, bizikletak garbitzeko leku berriak izango dituzte. Udalak 300.000 eurotik gorako inbertsioa egin du.
“Bost komun hauekin, leioaztarrek Aurrekontu Irekien azken prozesuan helarazi zizkiguten eskariei erantzuten ari gara. Herritar guztiek erabili ahal izango dituzte, eguneko 24 orduetan. Orain zerbitzu berri honetaz gozatzea dagokigu, eta batez ere, gainerako udal instalazioetan bezala, errespetatzea eta zaintzea”, adierazi du Iban Rodríguez Leioako alkateak. Alde horretatik, alkateak azpimarratu du Udalak zer eremutan izan daitezkeen beharrezkoenak aztertu dituela, pertsonen joan-etorriak aintzat hartuz. Parkeak, plazak eta bulebarra jende asko biltzen den lekuak dira, eta urtean zehar hainbat jarduera egiten dira leku horietan. Herritarren eskariak eta oinezkoen kopurua ikusita, komenigarritzat jo da bost komun publiko horiek aipatutako eremuetan jartzea.
Ezaugarriak
Komunek bi pixatoki izango dituzte kanpoaldean, horiek ere autogarbigarriak, eta mugikortasun urriko pertsonentzat erabat egokituta egongo dira. Komunek argizko adierazleak izango dituzte kanpoaldean, libre, okupatuta edo automatikoki garbitzen dagoen jakiteko. Eserlekua, komunaren barrualdea, zorua eta kanpoko pixatokiak garbitzeko eta desinfektatzeko sistema automatizatua izango dute. Komuna erabiltzeko gehienezko denbora 15 minutukoa izango da.
Barruko elementuei dagokienez, altzairu herdoilgaitzezko komuna, komuneko paper- banagailua (altzairu herdoilgaitzezkoa hau ere), altzairuzko laguntza-barrak mugikortasun urriko pertsonentzat, xaboi-banagailua, eskuak garbitzeko konketa eta lehortzeko makina, altzairu herdoilgaitzezko ispilua eta paperontzia izango dituzte, besteak beste.
“Bost komun hauekin, leioaztarrek Aurrekontu Irekien azken prozesuan helarazi zizkiguten eskariei erantzuten ari gara. Herritar guztiek erabili ahal izango dituzte, eguneko 24 orduetan. Orain zerbitzu berri honetaz gozatzea dagokigu, eta batez ere, gainerako udal instalazioetan bezala, errespetatzea eta zaintzea”, adierazi du Iban Rodríguez Leioako alkateak. Alde horretatik, alkateak azpimarratu du Udalak zer eremutan izan daitezkeen beharrezkoenak aztertu dituela, pertsonen joan-etorriak aintzat hartuz. Parkeak, plazak eta bulebarra jende asko biltzen den lekuak dira, eta urtean zehar hainbat jarduera egiten dira leku horietan. Herritarren eskariak eta oinezkoen kopurua ikusita, komenigarritzat jo da bost komun publiko horiek aipatutako eremuetan jartzea.
Ezaugarriak
Komunek bi pixatoki izango dituzte kanpoaldean, horiek ere autogarbigarriak, eta mugikortasun urriko pertsonentzat erabat egokituta egongo dira. Komunek argizko adierazleak izango dituzte kanpoaldean, libre, okupatuta edo automatikoki garbitzen dagoen jakiteko. Eserlekua, komunaren barrualdea, zorua eta kanpoko pixatokiak garbitzeko eta desinfektatzeko sistema automatizatua izango dute. Komuna erabiltzeko gehienezko denbora 15 minutukoa izango da.
Barruko elementuei dagokienez, altzairu herdoilgaitzezko komuna, komuneko paper- banagailua (altzairu herdoilgaitzezkoa hau ere), altzairuzko laguntza-barrak mugikortasun urriko pertsonentzat, xaboi-banagailua, eskuak garbitzeko konketa eta lehortzeko makina, altzairu herdoilgaitzezko ispilua eta paperontzia izango dituzte, besteak beste.
Partekatu:
HAPO Leioa
Copyright 2010 · Leioako Udala
