2023-02-10
Udaltzaingoak gizon bat atxilotu eta Leioako taberna bat zigilatu du, droga-trafikoa egotzita
Udaltzaingoak, Ertzaintzaren txakur-unitatearen laguntzarekin, gizonezko bat atxilotu zuen atzo, Leioako ostalaritza-lokal batean droga trafikatzea egotzita. Iparragirre etorbideko Boulevard tabernan lau orduz miatu ondoren atxilotu zuten. Bertan, saltzeko prest ziren substantzia estupefazienteak konfiskatu zituzten.
Atxilotuak, 34 urtekoa, Polizia Nazionalaren egoitzan igaro zuen gaua, gaur bertan epailearen esku utzi ahal izateko, eta lokala zigilatuta geratu da, epailearen aginduaren zain.
Atxiloketa Leioako Udaltzaingoak hainbat astez jarraipena egin ostean gertatu da. Bizilagunek hainbat salaketa jarri ondoren, hainbat egunez ikertu zuten lokala, eta, bereziki, atxilotutako pertsona.