2022-01-14
Leioako 500 familiak baino gehiagok etxean jasotzen dute eskolako aurre-matrikularako erroldatze-agiria
Guztira, 2 eta 3 urteko seme-alabak dituzten 514 familia leioaztarrek beren etxean jasoko dute beren txikien erroldatze-txartela. Agiri hori beharrezkoa da urtarrilaren 17an, astelehenean, hasiko den eskolako aurrematrikula formalizatzeko.
Leioako Udalak berak modu proaktiboan egindako bidalketa horren bidez, gurasoei erraztu nahi zaizkie eskolako aurrematrikulak formalizatzeko eta Udalari erroldatze-agiria eskatu behar ez izateko kudeaketak.
Dokumentu horrekin batera, Leioako ikastetxe publikoen informazio-liburuxka bat ere jasoko dute familiek, euskararen erabilera sustatzen duten Irria aldizkariarekin eta D ereduarekin batera.
Partekatu:
Itzuli