2016-02-19
Badator Kultur Maratila: Aste betez Euskal sorkuntzaz gozatzeko parada
Leioako Udalak Artedramarekin elkarlanean sortutako aste kulturala bueltatzen da Kultur Leioara. Bostgarren urtez jarraian burutuko da Kultur Maratila, antzerkia, musika, dantza, etab. uztartu eta plazaratzea helburu duelarik, euskal sorkuntza beti oinarri izanik.
Aurtengo Kultur Maratilak lau eguneko iraupena izango du, otsailaren 25tik 28ra eta bertan hiru antzerki ikuskizun, musika kontzertu bat eta Musika dantza eta literatuareki uztartzen dituen beste bi ikuskizun eskeiniko dira.
Ekitaldi guztiak Kultur Leioako Auditorium, Ambigu aretoan eta Erakusketa Gelan burutuko dira, hauen salneurriak 6 eta 10 euro tartean izango direlarik. Ziklo osoa ikusi nahi duenarentzat, 30 eurotako bonoa erosi ahal izango du Kultur Leioako txarteldegian, Maratila Kit opari barne duelarik.