2014-10-21
Herritarrenganako arreta hobetzeko ikastaroetan hartuko dute parte Udal langilek
Leioako Udaleko langileek, iaz egin zuten bezala, herritarrenganako arreta hobetzen laguntzeko ikastaro berezian parte hartzeko aukera izango dute. Guztira 24 orduko ikastaroa izango da, GEUZ -Gatazkak Eraldatzeko Unibertsitate Zentrua-ren eskutik hartuko dutena.
Ikastaroaren izenburua “Gatazken konponketa lortzeko gaitasunak eta bitartekotza komunitarioa herritarrenganako arretan” izango da, eta helburu bakarra udal langileen adimen emozionala lantzea da. Hamabi egun hauetan parte hartzaileek ikastaroan landuko diren gaietaz egingo dute gogoeta eta esperimentatu egingo dute.