2011-05-03
"La ruta de la vida y del amor" poesia liburuaren aurkezpena
Bihar, maiatzak 4, arratsaldeko 19.00etan, Kultur Leioako prentsa gelan (Jose Ramon Aketxe plaza, 11), Ricardo Fuentesek idatzitako "La ruta de la vida y del amor" poesia liburua aurkeztuko da.
Liburua osatzen duten poesiek "jendearen eguneroko bizitzaren ikuspuntu poetikoa eskaintzen dute, bai gaizki pasatzen duten uneetakoa zein une zoriontsuenetakoa ere", idazleak adierazi duenez.
Ehun poema baino gehiago aurki daitezke liburuan. Ricardo Fuentes Giza Zientzietan Unibertsitate Tituluko lehen ikasturtean zegoenean hasi zen poema horiek idazten, Hizkuntza eta Literatura ikasgaian. Idazlearekin batera beste hiru aktore izango dira aukezpenean, bertan liburuaren poesiak irakurriko dituzte.