Leioa
Bilaketak
Osteguna, 2024ko Martxoaren 28a
Hemen zaude: Hasiera » Zure Udala » Albisteak

Albisteak RSS

2021-03-22 Leioak radarra izango duten kaleak identifikatu ditu
radar / radar

Radar mugikorra probatzen egon ostean, Leioako Udaltzaingoak Leioako kale arriskutsuenak identifikatu ditu dagoeneko, oinezkoentzat eta txirrindularientzat, bertatik doazen autoen abiadura dela eta.

Udalerriko kaleen segurtasuna areagotzea da Leioako Udaltzaingoaren radarraren helburu bakarra; izan ere, martxoaren 15etik martxan dago gure kaleetan, eta gehienezko abiadura 30 km/h-koa da.

Horrela, hainbat astetan udalerriko hainbat gunetan probak egin ondoren, radar mugikorra egongo den kaleak honako hauek izango dira: Aldapabarrena, Elexalde auzoa eta etorbidea, Iparragirre etorbidea, Unibertsitatearen etorbidea, Gabriel Aresti, Estartetxe, Langileria, Larrarte, Laubide, Lekueder, Luis Bilbao Libano, Mendibil barri, San Bartolome eta Zarrageta kaleak.

Bide horiek bereziki garrantzitsuak dira ikastetxeetatik hurbil daudelako eta auzotarrak etengabe kexatzen direlako abiadura handian ibiltzen diren ibilgailuei dagokienez. Beraz, datozen asteetan bide horietan areagotuko da zaintza, baina, behar berriak atzemanez gero, kokaleku berriak sar daitezke.

Udalerrian 30 km/h-ko gehieneko abiadura izateak onura ugari dakartza: oinezkoentzako eta txirrindularientzako hiri atseginagoa izaten laguntzen du, harrapatzeak eta istripuak murrizten ditu eta airearen kutsadura eta emisio akustikoak murrizten ditu. Horrek mugikortasun jasangarriko hiri-eredu bat lortzen laguntzen digu, Garapen Jasangarriko Helburuen ildotik.

Partekatu:

Itzuli

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa