Umore Azoka
Bilaketak
Igandea, 2022ko Maiatzaren 22a
Hemen zaude: Hasiera » Zure Udala » Albisteak

Albisteak RSS

2013-09-27 Torresoloko Babes Ofizialeko Etxebizitzen hirugarren promozioan izena emateko epea
jaureguizar / jaureguizar

Jaureguizar enpresak datorren asteartean, urriak 1, irekiko du epea Torresolo gunean egingo diren Babes Ofizialeko Etxebizitzen hirugarren promozioan parte hartzeko. Promozio hau kooperatiba modukoa izango da, eta bertan izena emateko epea azaroaren 15era arte izango da zabalik.

Jaureguizar-ek 108 Etxebizitza eraikiko ditu Torresolo gunean, guztian trasteleku eta garajeekin. Honekin amaitzen dira Babes Ofizialeko Etxebizitzak Torresoloko gunean.

Etxebizitza hauek lehenik eta behin leioaztarrentzat izango dira, hau da, azken sei urteotan gutxienez hiru urtez Leioan erroldatuta egon diren herritarrei. Aurreko kolektiboari etxebizitza guztiak esleitzen ez bazaizkio, gainerakoak Leioan lan egitearen irizpidepean eskainiko dira (hiru urtez azken sei urteotan). Eta azkenik, aurreko bi kolektiboei etxebizitza guztiak esleitzen ez bazaizkie, gainerakoak edozeini eskainiko zaizkio, Leioako errolda baldintzak edo Leioarekin lan-lotura baldintzak bete ez arren. Hala ere, aurreko bi kolektiboek bezala, Eusko Jaurlaritzak Etxebizitza Babestua erosteko bere araudian ezartzen dituen baldintzak bete beharrekoak dira, edozein kasutan.

Etxebizitzen zozketan izena emateko, Etxebiden inskribatuta egon arren, interesatuek dokumentazioa aurkeztu beharko dute Leioako Udalaren Erregistro Orokorrean (Elexalde 1), astelehenetik ostiralera, 9:00-14.00, arratsaldez Kultur Leioan (Jose Ramon Aketxe plaza, 11) 15.00 – 21.00etara, edo larunbatetan Kultur Leioan, 11:00etatik14:00etara arte.

Promozioari, inskripziorako baldintzei eta aurkeztu beharreko dokumentazioari buruzko informazio guztia horretarako beren-beregi sortu den www.jaurevisa.com web orrian kontsulta daiteke edo 94.470.10.78, 94.470.10.05 zein 638.65.19.77 telefonoetan.

Etxebizitzak notario aurreko zozketa publiko bitartez esleituko dira. Zozketaren data aurretiaz jakinaraziko da udal komunikabideetatik eta inskribatuei idatziz egingo zaie deialdia

Partekatu:

Itzuli

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa