2021-02-19
Ireki egin da Bosteko 2021 ekimenean komisariotza eta proiektu artistikoak aurkezteko epea
Erakusketaren XXIV. edizio honetan, kulturaren ikerketa, garapen eta berrikuntza diren sortzaile gazteen abangoardia artistikoek proiektuak koordinatuta aurkeztu ahal izango dituzte KOMISARIO baten bitartez eta oinarrietan jaso diren baldintzekin bat etorriz.
BOSTEKO euskal artista plastiko ospetsuen artelanak ikusgai jarriko den Bizkaiko Lurralde Historikoko udalerrietan ezagutzera emateko eta zabaltzeko plataforma interesgarri bat da.
Erakusketa 2021eko irailean hasi eta 2021eko abenduan amaituko da.
BOSTEKO 1998an sortu zen, eta urte hauetan guztietan zehar 70 artista euskaldun baino gehiagoren lanak egon dira ikusgai. Hala, Bizkaiko testuinguru kulturalean erakusketa sendoa bihurtu da. Bost Udaletako (Arrigorriaga, Basauri, Getxo, Leioa eta Amorebieta-Etxano) bost erakusketa-aretoren artean antolatzen eta koordinatzen den erakusketa ibiltari bat da, eta udal horietako kultura-arduradunen bitartez egingo da. Bestalde, Bizkaiko Foru Aldundiko Kultura Sailaren babesa du.
Interesdunek bost udal parte-hartzaileen posta elektronikoetan eskatu ahal izango dituzte oinarriak. Bertan, edukiak ondo ulertzeko beharrezkoa den informazio guztia jasoko da.