2021-10-01
Euskaldunak ez diren gurasoek euskaraz jolasten ikasteko tailerrak
Leioako Udaleko Euskara Zerbitzuak tailerrak antolatu ditu euskaraz ez dakiten gurasoek, seme-alabekin euskaraz jolasten ikasteko eta, aldi berean, hizkuntza ikasteko. Euskaldun ez diren helduei euskara hurbiltzea da helburua, txikien laguntzarekin.
Saioak hileko lehen ostiralean izango dira Kultur Leioan, eta hileko hirugarren ostiralean Lamiakoko ikastetxe publikoan. Saio bakoitzean eguneroko bizitzako gai bat lantzen da (bazkaltzeko ordua, bainua, parkean jolastea...) eta gaiarekin lotutako jarduera bat eta ipuin bat egiten dira. Saioa amaitzean, familiek erabilitako materiala etxera eramaten dute, lantzen jarraitzeko.
Tailerretarako edo bestelako informaziorako izen-ematea euskarazerbitzua@leioa.net helbidean edo 94.607.25.76 telefonoan egin daiteke.
Partekatu:
Itzuli